Accessibility links

Торонто мэрінің өкілеттігі шектелді


Роб Форд, Торонто мэрі, Канада.

Роб Форд, Торонто мэрі, Канада.

Канаданың ең ірі қаласы және экономикалық маңызы бар орталығы саналатын Торонтоның қалалық кеңесі қала мэрі Роб Фордтың өкілеттігін шектеуді қолдап дауыс берді. 44 жастағы Роб Форд бұған дейін есірткі қолданатынын және маскүнемдікке салынғанын мойындаған еді.

Өткен аптада қалалық кеңес Роб Фордтың билігін шектеуді қолдаған. 19 қараша күнгі соңғы дауыс беру нәтижесі оны өкілеттіктерінен іс жүзінде айырды. Бірақ Форд өзін сайлаған тұрғындардың қолдауына сүйенетінін айтып, қызметі үшін күресетінін мәлімдеді.

Жөн-жосықсыз қылықтарымен танымал мэр қалалық кеңестің шешімін "Ирактың Кувейтке басып кіруімен" салыстырып, кеңес мүшелерімен сөз таластырды.

Америкалық журналистерге берген сұхбатында ол Канада премьер-министрі қызметіне сайлауға түскісі келетінін айтты.
XS
SM
MD
LG