Accessibility links

Норвегиялық Магнус Карлсен - шахматтан әлем чемпионы


Шахматтан әлемнің жаңа чемпионы Магнус Карлсен. Ченнаи, Үндістан, 22 қараша 2013 жыл.

Шахматтан әлемнің жаңа чемпионы Магнус Карлсен. Ченнаи, Үндістан, 22 қараша 2013 жыл.

Шахматтан әлем жеңімпазы атағы үшін өткен сайыста 22 жастағы норвегиялық Магнус Карлсен үндістандық Вишванатан Анандтан басым түсіп, спорттың бұл түрінен әлемнің жаңа чемпионы атанды. Бұл кездесу Анандтың отанында, Ченнаи қаласында өтті.

Карлсен бәсекелесін 12 партиялық ойынның үшеуінде ұтып, жеті партияны тең аяқтады. Осылайша ойын мерзімінен бұрын бітті. Карлсен бір миллион 340 мың АҚШ доллары көлемінде ақшалай жүлдені жеңіп алды. Анандқа 896 мың доллар беріледі.

43 жастағы Ананд 2007 жылдан бері шахматтан әлем чемпионы атағын сақтап келген еді.

Шахматтан әлем чемпионы Магнус Карлсен гроссмейстер атағына 13 жасында ие болған.
XS
SM
MD
LG