Accessibility links

Рим папасы исламмен жақындасуға шақырды


Рим Папасы Франциск жастармен кездесуде. Ватикан, 28 тамыз 2013 жыл.

Рим Папасы Франциск жастармен кездесуде. Ватикан, 28 тамыз 2013 жыл.

Рим папасы Франциск католиктерді кедейлікпен күреске көңіл бөлуге, папалық институтын реформалауға шақырды. 26 қарашада жарияланған оның мәлімдемесінде "Ватиканның шектен тыс орталықтанып кетуі шіркеу өмірін қиындатып жіберетіні" айтылған.

Рим папасы православиенің билікті орталықсыздандыратын синодтық жүйесі Ватиканды реформалауда үлгі бола алатынын айтып, исламмен жақындасудың "маңызы үлкен" екенін мәлімдеген.

Франциск бұған қоса "католиктер мұсылман елдерінде өздеріне қандай құрмет көрсетілгенін қаласа, иммигрант мұсылмандарды да сондай құрметпен қабылдауы тиіс" екенін де айтқан.

Бірақ понтифик католик шіркеуінде әйелдердің діни қызмет атқаруына тыйым салынуы "талқыланбайтын мәселе" екенін, католиктер абортқа қатысты ұстанымдарын "өзгерте алмайтынын" ескерткен.

Биыл наурызда папа болып сайланғалы бері 76 жастағы Франциск либералдық ұстанымдарын жиі білдіріп, ақпарат құралдарының назарына көп ілігіп жүр.
XS
SM
MD
LG