Accessibility links

Киевте милиция алаңдағы шеруді күшпен тарқатты


Киевтің орталығындағы Тәуелсіздік алаңындағы наразылық шеруін милицияның арнайы жасағы күшпен тарқатып, ол жерді билік күштері өз бақылауына алды.

Оқиға орнынан белсенділердің хабарлауынша, милиция шерушілерге көзден жас ағызатын газ шашып, резеңке таяқтармен ұрған. Жергілікті телеарнаға куәгерлер алаңға келген милиция сол жердегі адамдарға қарсы күш қолданғанын айтқан.

Ассошейтед пресс агенттігі Тәуелсіздік алаңында жедел жәрдем көлігі тұрғанын, кейбір адамдардың қолы-басында жарақат іздері байқалатыны туралы хабарлады.

Жұма күні Тәуелсіздік алаңына жиналған мыңдаған адам Еуропа Одағымен ассоциация келісіміне қол қоюдан бас тартқан президент Виктор Януковичтің отставкаға кетуін талап еткен еді.
XS
SM
MD
LG