Accessibility links

Боснияда "адамзатқа қарсы қылмыс жасаған" 9 адам ұсталды


Сарапшылар Босниядағы соғыста қаза тапқандар жерленген жерден адам мәйіттерін зерттеуге қазып алып жатыр. Босния, қазан 2013 жыл. (Көрнекі сурет)

Сарапшылар Босниядағы соғыста қаза тапқандар жерленген жерден адам мәйіттерін зерттеуге қазып алып жатыр. Босния, қазан 2013 жыл. (Көрнекі сурет)

Боснияда тоғыз серб полицейі осы елде 1992-1995 жылдары болған соғыс кезінде адамзатқа қарсы қылмыс жасаған деген айыппен тұтқындалды.

Боснияның мемлекеттік айыптау кеңсесінің 4 желтоқсанда хабарлауынша, тоғыз адам 1992 жылы мамыр мен желтоқсан айлары аралығында мұсылмандар мен хорваттарға қарсы науқандар кезіндегі "қуғын-сүргінге, депортация мен заңсыз түрмеге жабу, азаптау және кісі өлтіру қылмыстарына" қатысы бар деп айыпталып отыр.

Күдікті тоғыз адамның жетеуі Котор Варош қаласында, біреуі - Билека қаласында, тағы біреуі Требинье қаласында ұсталған.

Босниядағы соғыста 100 мыңнан астам адам қаза тауып, 2 миллионға тарта адам босып кеткен я үй-күйсіз қалған еді.
XS
SM
MD
LG