Accessibility links

«Шахтер» Еуропа лигасындағы ойынын аяқтады


Қазақстандық "Шахтер" футбол командасымен албаниялық "Скендербеу" командасының кездесуі. Албания, Тирана, 7 тамыз 2013 жыл. (Көрнекі сурет)

Қазақстандық "Шахтер" футбол командасымен албаниялық "Скендербеу" командасының кездесуі. Албания, Тирана, 7 тамыз 2013 жыл. (Көрнекі сурет)

Футболдан Қазақстан чемпионы «Шахтер» командасы Еуропа лигасының топтық кезеңінде соңғы матчын 12 желтоқсанда Израильде «Маккаби Хайфа» командасымен өткізіп, 1:2 есебімен ұтылып қалды.

Матчтың 44 минутында «Шахтер» ойыншысы Рохер Каньяс пенальтиден гол соғып, есепті бастады. Ал 76 минутта израильдік футболшы Шаваль Гозлан есепті теңестіріп, 84 минутта Шимон Абухазира «Шахтер» қақпасына екінші голды салды.

"Шахтер" осымен Еуропа лигасының топтық кезеңінде барлығы алты ойын өткізіп, тек екі матчта тең ойнады. Қалған төрт кездесуде жеңілді. Қорытындысында голландиялық «Аз Алкмаар», грекиялық «ПАОК» және израильдік «Маккаби Хайфа» командаларынан кейін топта соңғы - төртінші орын алды.

«Шахтер» - УЕФА ұйымдастыратын клубтық футбол турнирлерінің топтық кезеңіне шыққан қазақстандық алғашқы команда.
  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG