Accessibility links

Ресей мұнайын Қазақстан арқылы Қытайға сатпақ


Қазақстан президенті Нұрсұлтан Назарбаев пен Ресей президенті Владимир Путиннің кездесуі. Мәскеу, 24 желтоқсан 2013 жыл.

Қазақстан президенті Нұрсұлтан Назарбаев пен Ресей президенті Владимир Путиннің кездесуі. Мәскеу, 24 желтоқсан 2013 жыл.

Мәскеуде Қазақстан президенті Нұрсұлтан Назарбаев пен Ресей президенті Владимир Путин кездесіп, бірнеше құжатқа қол қойды деп хабарлайды ҚазАқпарат агенттігі.

Қол қойылған құжаттар арасында Қазақстан мен Ресей арасындағы әскери-техникалық саладағы ынтымақтастық туралы келісім де бар. Назарбаев Мәскеуге Еуразиялық жоғарғы экономикалық кеңестің жиынына қатысуға барған.

Мәскеуде бұған қоса екі ел үкіметі "Байқоңыр" ғарыш айлағын бірлесе пайдаланудың жол картасы, екі ел арасындағы мұнай және мұнай өнімдерін тасымалдаудағы ынтымақтастық туралы келісімге өзгерістер енгізу туралы құжаттарды бекіткен. Ресей мұнайын Қазақстан арқылы Қытайға тасымалдау саласындағы ынтымақтастық туралы келісімге де қол қойылды.
XS
SM
MD
LG