Accessibility links

Украина оппозициясы: "Демонстрация тоқтамайды"


"УДАР" оппозициялық партиясының жетекшісі Виталий Кличко демонстранттар алдында сөйлеп тұр. Киев, 29 желтоқсан 2013 жыл.

"УДАР" оппозициялық партиясының жетекшісі Виталий Кличко демонстранттар алдында сөйлеп тұр. Киев, 29 желтоқсан 2013 жыл.

Украина оппозициясының жетекшілері халықты жаңа жыл мерекесінен кейін жаппай демонстрациялар мен наразылық акцияларына шығуға шақырды. Оппозиция жетекшілері бұл туралы мәлімдемені 29 желтоқсан, жексенбі күні Киевтегі Тәуелсіздік алаңында болған үкіметке қарсы шерулерде жасады.

"УДАР" партиясының жетекшісі Виталий Кличко биліктің "Еуромайдан" акциясы біртіндеп өздігінен тарайды деп үміттенгенін айтып, шерушілерді демонстрацияларды тоқтатпауға үндеді.

Түрлі ақпарат құралдары жексенбідегі наразылық акцияларына ондаған мың адам қатысты деп хабарлағанымен, жиылған халықтың саны бұған дейінгі шерулерден аз болды.

Киевте Украинаның Еуропамен интеграциясын қолдаған наразылық акцияларының басталғанына бір айға жуықтап қалды. Демонстранттар биліктің Еуропа Одағымен еркін сауда және саяси ассоциация туралы келісімге қол қоюдан бас тартуына наразылық білдіріп, елде мерзімінен бұрын президент және парламент сайлауын өткізуді талап етеді.
XS
SM
MD
LG