Accessibility links

Израиль палестиналық 26 тұтқынды босатты


Палестиналықтар Израиль түрмеден босатқан азаматтарын қарсы алып жатыр. Палестина, 29 қазан 2013 жыл.

Палестиналықтар Израиль түрмеден босатқан азаматтарын қарсы алып жатыр. Палестина, 29 қазан 2013 жыл.

Израиль АҚШ ұсынған Таяу Шығыста бейбітшілік орнату келісімдерін қолдау мақсатында бүгін палестиналық 26 тұтқынды босатты. Израиль түрмеде отырған 106 палестиналықты төрт кезеңге бөліп, біртіндеп шығарып жатыр.

Тұтқындардың алғашқы екі легі тамыз және қазан айында босатылған. Босатылған тұтқындарға "израильдіктерді өлтірді" деген айып тағылып, 19 және 28 жыл мерзімдерге сотталған.

Палестиналықтардың босатылуы Израильде қарсылықтар тудырды. Израильдіктердің кейбірі тұтқындарды "аса ауыр қылмыстар жасаған террористер" деп санайды.

Израиль Иордан өзенінің батыс жағалауы, Газа секторы мен Иерусалимнің шығыс бөлігін басып алған 1967 жылғы соғыстан бері мыңдаған палестиналық Израиль түрмелерінде отыр. Олардың көпшілігіне "кісі өлтірді, жарылыстар мен атыстар ұйымдастырды және басқа да шабуылдар жасады" деген айыптар тағылған.
XS
SM
MD
LG