Accessibility links

АҚШ Гуантанамо ұйғырларына қатысты шешімін жөн санайды


Гуантанамодағы қамау орны.
Гуантанамодағы қамау орны.
АҚШ үкіметі Гуантанамода қамауда отырған үш қытайлық ұйғырды Словакиядағы орталыққа жіберу туралы шешімін оң деп санайтынын мәлімдеді.

"АҚШ үкіметі бұл ұйғыр азаматтарға "соғысқұмар жау" ретінде қарамайды, оларды ары қарай қамауда ұстауға ниетті емес. Бұл үшеуі 2008 жылы федералдық сот шешімімен Гуантанамодан босатылған 17 ұйғыр тұтқынның ішінде болған" деді АҚШ үкіметінің өкілі Мари Харф 2 қаңтар күні.

Қытайдың сыртқы істер министрлігі АҚШ үкіметін бұл шешіміне байланысты сынап, қамаудан босатылатын ұйғырларды "елдің қауіпсіздігіне қатер төндіруші терроршылар" деп атаған.

Гуантанамода қамауда болған ұйғырлардың көпшілігі 2001 жылы Пәкістан мен Ауғанстан шекарасында ұсталып, Талибанның дайындығынан өтті деп сипатталып келген. Бірақ Ақ Үй олардан АҚШ-қа төніп тұрған қауіп жоқ деп санайды.
XS
SM
MD
LG