Accessibility links

Нобель лауреаттары ресейлік гейлерді қолдады


Санкт-Петербургте өткен гейлер құқығын қорғаушы белсенділердің наразылық акциясы. 2 қараша 2013 жыл. Көрнекі сурет.

Санкт-Петербургте өткен гейлер құқығын қорғаушы белсенділердің наразылық акциясы. 2 қараша 2013 жыл. Көрнекі сурет.

Ғылым және мәдениет саласындағы Нобель сыйлығының 30-ға тарта лауреаты Ресей президенті Владимир Путиннің атына хат жазып, гейлер мен гомосексуалдардың құқықтарын шектейтін заңды жоюды талап етті.

Ұлыбританиялық Independent газетінде жарық көрген ашық хатта "гомофобиялық" заң әлемде алаң тудырғаны жазылған.

Ресейдегі гейлерге қарсы зорлық-зомбылық күшейіп отыр деп алаңдаушылық білдірген хатқа қол қойғандар арасында оңтүстік африкалық жазушы Джон Максвелл Кутси мен ұлыбританиялық биохимик Пол Нерс бар.

Хатта келтірілген талаптарды халықаралық гейлер қозғалысының ықпалды мүшелері - сэр Гарри Кротто мен оның досы ұлыбританиялық актер Йен Маккеллен түзген.

Хатта әлемдегі жетекші ғалымдар мен өнер адамдары Ресей билігінің гейлер мен гомосексуалдарға қатысты саясатын қатаң сынаған саясаткерлер, мәдениет және спорт қайраткерлерін қолдайтынын мәлімдеген.
XS
SM
MD
LG