Accessibility links

Қазақстаннан Сочиге 50 спортшы барады


Қазақстандық шаңғышы Алексей Полторанин Ванкувер олимпиадасында (Канада). Көрнекі сурет.

Қазақстандық шаңғышы Алексей Полторанин Ванкувер олимпиадасында (Канада). Көрнекі сурет.

Қазақстан спорт және дене шынықтыру агенттігінің ақпараты бойынша, қысқы олимпиадаға Қазақстаннан 10 спорт түрінен 50 спортшы барады.

Агенттік тізімді бүгін Астанада өткен арнайы жиында ресми түрде жариялады. Жиынға қатысқан агенттік төрағасының орынбасары Елсияр Қанағатов Сочи олимпиадасында Қазақстан Ванкувердегіден де жоғары жетістікке жету керектігін айтты.

2010 жылғы Ванкувердегі олимпиадаға Қазақстан 8 спорт түрінен 37 спортшы қатыстырған еді.

Халықаралық Infostrada сараптама орталығының жорамалы бойынша Қазақстан Сочиде бір алтын, бір қола медаль жеңіп алып, жалпы есепте 21-орын алуы ықтимал. Infostrada «алтынды шаңғышы Алексей Полторанин жекелей жарыста иеленеді, қола жүлдені Алексей Полторанин мен Николай Чебатько командалық жарыста алуы мүмкін» деп болжайды.
  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG