Accessibility links

Пәкістанда сепаратистер үш газ құбырын жарды


Пәкістан картасы. (Көрнекі сурет)

Пәкістан картасы. (Көрнекі сурет)

Пәкістанның Белуджистан провинциясында сепаратистер үш газ құбырын жарып жіберіп, Пенжаб провинциясында мыңдаған үй газсыз қалды.

Мемлекеттік газ компаниясының басшысы Ариф Хамидтің айтуынша, құбырлар кем дегенде екі күнде іске қосылады. Қазір провинцияның көп бөлігінде газ жоқ.

Пенжаб - Пәкістанның халық ең тығыз қоныстанған провинциясы әрі премьер-министр Наваз Шарифтің туған аймағы.

Тыйым салынған "Белуджи" республикалық армиясының өкілі Сарбаз Балок газ құбырларына жасалған шабуылдарды өз ұйымы жасағанын мәлімдеді. Ол шабуыл таяуда "Белуджи" белсенділерінің өлі күйінде табылғанына жауап ретінде жасалғанын айтады.

Ұйым орталық үкіметті "провинция байлығын талан-таражға салды және халықты кедейлікке ұшыратты" деп айыптайды.

Құқық қорғау ұйымдары "Белуджи" көтерілісшілерін де, үкіметтің арнайы қызметін де "адам құқықтарын бұзады" деп айыптайды.
XS
SM
MD
LG