Accessibility links

Джон Керри Киевте Ресейді айыптады


АҚШ мемлекеттік хатшысы Джон Керри Украина парламентінің депутаттарымен кездесу кезінде. Киев, 4 наурыз 2014 жыл.

АҚШ мемлекеттік хатшысы Джон Керри Украина парламентінің депутаттарымен кездесу кезінде. Киев, 4 наурыз 2014 жыл.

Кеше Киевке барған АҚШ мемлекеттік хатшысы Джон Керри Украинаның уақытша билік өкілдерімен кездесіп, Ресейді "Украинаға әскер кіргізуде сылтау ойлап табуға тырысты" деп айыптады.

"Біз Ресейдің бұл әрекетін айыптаймыз. Ресейдің тағы бір үлкен аумақты иеленіп қалу үшін сылтау ойлап табуға үлкен күш жұмсады деп ойлаймын. Егер Ресей "ашуын басып", Украина үкіметімен келіссөз бастамаса, серіктерімізде біздің Ресейді саяси, дипломатиялық және экономикалық жағынан оқшаулау үшін жасап жатқан әрекеттерімізге қосылудан басқа амалымыз қалмайды" деді Керри.

АҚШ мемлекеттік хатшысы Украинада маңызды өзгерістер болып жатқанын айтып, АҚШ-тың украин халқын қолдауға дайын екенін білдірді.

Джон керри бұған қоса АҚШ Украинаға энергетикалық мұқтаждықтарын өтеу үшін көмек ретінде 1 миллиард АҚШ доллары көлемінде субсидия беретінін де айтты.
XS
SM
MD
LG