Accessibility links

Қазақстандық 20 жастағы теннисші Зарина Дияс Қытайдың Гуанчжоу қаласында жүлде қоры 50 мың АҚШ доллары болатын ITF (халықаралық теннис федерациясы ұйымдастыратын турнир) санатындағы жарыстың жеңімпазы атанды.

Ол финалда таиландтық Ноппаван Лертчивакарнды ұтты – 6:1, 6:1.

Зарина Дияс финалға дейін Қытайдың үш теннисшісін жеңген. Ал жартылай финалда ресейлік Ксения Первактан басым түсті – 6:2, 3:1. Ресей теннисшісі екінші сетте ойынды жалғастырудан бас тартты.

Зарина Дияс - әлемдік рейтингте 118-орында тұрған теннисші. Ол биыл Grand Slam категориясындағы Australian Open жарысына қатысып, үшінші айналымға дейін жеткен еді.
  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG