Accessibility links

Ресей шенеуніктері АҚШ санкциясына ілікті


Украинаның бұрынғы президенті Виктор Янукович Ресейдің Дондағы Ростов қаласында баспасөз жиынын өткізіп тұр. 11 наурыз 2014 жыл. (Көрнекі сурет)

Украинаның бұрынғы президенті Виктор Янукович Ресейдің Дондағы Ростов қаласында баспасөз жиынын өткізіп тұр. 11 наурыз 2014 жыл. (Көрнекі сурет)

АҚШ дүйсенбіде Украинадағы оқиғаға орай санкцияға іліккен Ресей шенеуніктерінің тізімін жариялады.

Бұл тізімге Владислав Сурков, Сергей Глазьев, Леонид Слуцкий, Андрей Клишас, Валентина Матвиенко, Дмитрий Рогозин және Елена Мизулина енген.

Тізімде Қырым премьер-министрі Сергей Аксенов, Қырым жоғарғы кеңесі төрағасы Владимир Константинов, Украинаның бұрынғы президенті Виктор Янукович, Украина президенті әкімшілігінің бұрынғы басшысы Виктор Медведчук те бар.

Еуропа Одағы (ЕО) кеңесі де Ресей мен Украинаның 21 шенеунігінің активтерін бұғаулап, оларды ЕО-ға кіргізбеуге келісті деп мәлімдеді Литва сырты істер министрі Линас Линкявичюс. Бұл санкция ЕО-ның ресми журналында жарияланған сәттен бастап күшіне енеді.
XS
SM
MD
LG