Accessibility links

Германия Ресеймен әскери келісімді орындаудан бас тартты


Рейхстаг, Берлин. (Көрнекі сурет)

Рейхстаг, Берлин. (Көрнекі сурет)

Германия Ресейдің Қырымды аннексиялап алуына байланысты осы ел армиясымен жасалған ірі келісім-шартты орындауды тоқтатты.

Германия экономика министрлігінің мәлімдеуінше, сарбаздарды әскери дайындықтан өткізу орталығына құрал-жабдықтар жеткізу жөніндегі 2011 жылы қол қойылған келісім жақын уақытта орындалмайды.

Ресей үкіметі мен немістің Rheinmetall компаниясы арасындағы келісімнің құны 100 миллион еуроны құрайды. Неміс ақпарат құралдарының хабарлауынша, Rheinmetall құрал-жабдық жеткізбек болған орталықта жылына 30 мыңға тарта ресейлік әскери қызметкер дайындықтан өтеді деп жоспарланған.

Германия экономика министрлігінің мәлімдемесінде аталған орталыққа "қалыптасқан жағдайға байланысты жақын уақытта құрал-жабдық жеткізу мүмкін емес" делінген.

Берлин Ресейдің Қырымды аннексиялап алуын "халықаралық құқыққа қайшы" деп санайды. Германия билігі Еуропа Одағына мүше басқа да мемлекеттермен бірігіп Ресейдің бірнеше шенеунігіне қарсы санкциялар енгізген.
XS
SM
MD
LG