Accessibility links

Қырғызстанда жаңа коалициялық үкімет жасақталды


Қырғызстан парламентіндегі үш партия жетекшілері үкіметтік коалицияны құру туралы келісімге қол қойып жатыр. Бішкек, 31 наурыз 2014 жыл.

Қырғызстан парламентіндегі үш партия жетекшілері үкіметтік коалицияны құру туралы келісімге қол қойып жатыр. Бішкек, 31 наурыз 2014 жыл.

Қырғызстанда парламенттік үш фракция - Социал-демократиялық партиясы, "Ар-Намыс" және "Ата-Мекен" партияларының мүшелері жаңа үкіметтік коалицияны жасақтады.

Жаңа үкімет құрамы осыдан екі апта бұрын отставкаға кеткен үкімет құрамына ұқсас.

Социал-демократиялық партия өкілі Чыныбай Турсунбековтың айтуынша, жаңа коалицияның құрылғаны туралы ресми түрде бүгін жарияланады. Өткен аптадан бері премьер-министрдің міндетін атқарушы Жоомарт Оторбаев егер премьер-министр болып жатса, бұрынғы үкімет құрамын жаңартпайтынын мәлімдеген.

"Ата-Мекен" партиясы 18 наурызда басқарушы үкімет құрамынан шығып кетіп, үкімет тараған еді.

"Ата-Мекен" партиясының жетекшісі Өмірбек Текебаев премьер-министр Жантөрө Сатыбалдиевтің "былтыр ірі қылмыскер түрмеден босатылып, кейін елден қашып кеткеннен соң үкіметті басқаруға моральдық құқығы қалмады" деген. "Ата-Мекен" партиясы бұған қоса үкімет басшысын "Қырғызстан өз үлесін арттыруды көздеп, "Құмтөр" алтын кенішінің мәселесін де шеше алмады" деп те айыптаған.
XS
SM
MD
LG