Accessibility links

ЕО Орталық Азияға елші тағайындады


Еуропа Одағының Орталық Азиядағы арнайы елшісі, венгер дипломаты Янош Герман.

Еуропа Одағының Орталық Азиядағы арнайы елшісі, венгер дипломаты Янош Герман.

Еуропа Одағының сыртқы саясат жөніндегі жоғарғы комиссары Кэтрин Эштон венгер дипломаты Янош Германды алты ай мерзімге ЕО-ның Орталық Азиядағы жаңа арнайы елшісі етіп тағайындады. Дипломат қызметіне бірден кірісуі тиіс.

Тағайындау туралы хабарламада Эштон Янош Германды тәжірибелі дипломат деп атаған. Янош Германның қызметін бұған дейін екі жыл бойына неміс дипломаты Патрисия Флор атқарған. Ол таяуда Германияның сыртқы істер министрлігіне басқа қызметке ауысқан еді

Янош Герман осы кезге дейін ЕО сыртқы саясат жөніндегі қызметінде басшылық қызметтердің бірін атқарған. Мұның алдында ол ЕО-ның Норвегиядағы делегациясын басқарды, Венгрия сыртқы істер министрі және осы елдің НАТО-дағы өкілі болды.
XS
SM
MD
LG