Accessibility links

Астанада саудагерлер наразылық танытты


"Әлем" базарындағы ет сатушылар наразылық білдіріп тұр. Астана, 15 сәуір 2014 жыл.
"Әлем" базарындағы ет сатушылар наразылық білдіріп тұр. Астана, 15 сәуір 2014 жыл.
Бүгін "Астанадағы "Әлем" сауда орталығындағы ет сататын 50 шақты саудагер базар алдындағы көшеге шығып, наразылық білдірді" деп хабарлайды Азаттық тілшісі.

Саудагерлердің бірі Айткүл Байғабылованың айтуынша, олар өздеріне базар әкімшілігінің белгілі мөлшерде ет сату туралы міндеттеме қойғанымен келіспей, оны алып тастауды талап еткен.

"Базар басшылығы бізге айына базарға 17-18 бас сойылған мал етін кіргізіп, сатуды міндеттеген. Біз кейде ет өтпейтіндіктен, базарға 9-10 бас мал етін ғана кіргіземіз. Ай соңында аренда құнын төлейтін кезде басшылық бізге түрлі мөлшерде айыппұлдар салады" дейді саудагер Байғабылова.

Азаттық тілшісінің айтуынша, наразылармен сөйлесуге барған базар әкімшілігінің өкілі саудагерлерге ешқандай міндеттеме қойылмағанын және оларға ет сата алмағаны үшін айыппұл салынбайтынын айтқан. Бірақ саудагерлер өздері көтерген жайттарға қатысты нақты фактілер бар екенін мәлімдеген.

Бұл мәселеге байланысты базар әкімшілігі журналистерге түсініктеме беруден бас тартты.
XS
SM
MD
LG