Accessibility links

Одессада жарылыстан жеті адам жараланды


Одесса картасы. (Көрнекі сурет).

Одесса картасы. (Көрнекі сурет).

Украинаның Қара теңіз жағалауындағы Одесса қаласына жақын жердегі өткізу-бақылау бекетінде 25 сәуірге қараған түні жарылыс болып, жеті адам жараланды. Жергілікті полицияның хабарлауынша, ауыр жарақат алғандар жоқ. Оқиға қазір тексеріліп жатыр.

Ресей ақпарат құралдарының хабарлауынша, өткізу-бақылау бекеті жанынан өткен көліктен белгісіз біреулер бомба лақтырған.

Reuters агенттігінің хабарлауына қарағанда, одессалықтар Молдованың бүлікшіл Приднестровье аймағынан ресейшіл сепаратистердің еніп кетпеуі үшін қала маңына бірнеше жерден өткізу-бақылау бекетін орнатқан.

НАТО өткен айда "Ресей Қырымды аннексиялап алғаннан кейін Молдованың Приднестровье аймағын басып алуы мүмкін" деп ескерткен.

AzattyqTV

Астанадағы зират

Элитаға пантеон керек пе?

Аудиоподкаст

XS
SM
MD
LG