Accessibility links

Лондонда Украина активтеріне қатысты жиын басталды


АҚШ бас прокуроры Эрик Холдер.

АҚШ бас прокуроры Эрик Холдер.

Ұлыбритания астанасы Лондонда 29 сәуірде Украинаның бұрынғы президенті Виктор Янукович билігі тұсында талан-таражға түсті делінген украин активтерін қайтаруға арналған келіссөздер басталды.

Екі күнге созылатын жиынға Ұлыбританияның ішкі істер министрі Тереза Мэй, Украина ішкі істер министрі Арсен Аваков, АҚШ бас прокуроры Эрик Холдер, прокурорлар, халықаралық ұйымдар мен қаржы институттарының өкілдері қатысып отыр.

Келіссөздерді Активтерді қайтару жөніндегі Украина форумы ұйымдастырған. АҚШ пен Ұлыбритания бастаған бұл халықаралық топ "мемлекет қаржысын талан-таражға салғандар жазасыз қалмайды" деп санайды.

Эрик Холдер "халықаралық топ Украина жетекшілері мен азаматтарының коррупцияға қарсы күресі мен елде тұрақтылық орнатуға деген ұмтылысын қолдауға құрылған" дейді.
XS
SM
MD
LG