Accessibility links

Ресей: "Протон-М" сынықтары ауада жанып кеткен


Апатқа ұшыраған ресейлік "Протон-М" зымыранының ұшырылу сәті. Байқоңыр, 16 мамыр 2014 жыл.

Апатқа ұшыраған ресейлік "Протон-М" зымыранының ұшырылу сәті. Байқоңыр, 16 мамыр 2014 жыл.

Байқоңырдан ұшырылған соң бірнеше минуттан кейін апатқа ұшыраған ресейлік "Протон-М" зымыран тасығышының сынықтары атмосфера қабатында жанып кетті деп хабарлады Ресейдің "Роскосмос" федералдық ғарыш агенттігі.

16 мамырда Астана уақытымен түнгі сағат 3:42-де Байқоңырдан Ресейдің "Экспресс-АМ4Р" байланыс зымыраны тіркелген "Бриз-М" блокты зымыран тасығышы ұшырылған еді. Зымыран спутникті Жер орбитасына алып шығуы тиіс болған. Ұшқаннан кейін 9 минуттан соң зымыран тасығышта ақау пайда болып, апатқа ұшыраған.

"Телеметрикалық ақпаратқа жасалған талдаудың алдын-ала мәліметтері бойынша, апат зымыран 160 километр биіктікте ұшып бара жатқанда болған. Зымыранның барлық бөліктері және отыны атмосфераның тығыз қабатында жанып кетті" дейді "Роскосмос".
XS
SM
MD
LG