Accessibility links

Бішкекте Кеден Одағына қарсы белсенділер ұсталды


20 мамыр күні Бішкекте полиция Ресей бастаған Кеден Одағына Қырғызстанның қосылуына наразылық білдірген жеті белсендіні ұстап әкетті.

Наразылық парламент алдында, депутаттар Қырғызстанның Кеден Одағына кіруі туралы жол картасын талқылап жатқан мезгілде болды.

Бүгін Қырғызстан экономика министрі Темір Сариев Ресей, Қазақстан және Беларусь мүше Кеден Одағына қосылудан Қырғызстанға "зиянынан гөрі пайдасы көбірек тиеді" деп мәлімдеген.

Ал депутат Дастан Бекешов үкіметті Кеден Одағының пайдасы мен зиянын талқылауға арналған қоғамдық тыңдаулар өткізуге шақырды.

Қырғызстан премьер-министрі Жоомарт Оторбаев бұған дейін үкіметтің Кеден Одағына кіру мерзімін бір жылға шегеруге тырысып жатқанын айтқан еді.

Мәскеу Еуропа Одағы үлгісіндегі Еуразия экономикалық одағына айналады деп, бұрынғы совет республикаларын Кеден Одағына кіргізуге мүдделі болып отыр.
XS
SM
MD
LG