Украинаның шығысындағы Славянск қаласының тұрғындары Украина әскері мен сепаратистер арасындағы шайқастан соң зардап көлемін анықтап жатыр. Олар қалада болған қарулы ұрыс кесірінен үй-жайлары ойрандалғанына шағым айтады. Қарсылас екі жақтың арасында болған атыс ортасында қалған бірнеше үйдің қабырға, терезелерін оқ бүлдіріп, кейбір нысандар шатырының сау-тамтығы қалмаған. Жергілікті тұрғындар тұрғын жайларын қалпына келтіруге Киевтегі биліктен де, өзін өзі жариялап алған «Донецк халық республикасынан» да еш жәрдем болмайды деп түңіліп отыр. 20 мамыр 2014 жыл.