Accessibility links

Египеттегі сайлауда әл-Сиси алда тұр


Египеттегі сайлау. Каир, 27 мамыр 2014 жыл.

Египеттегі сайлау. Каир, 27 мамыр 2014 жыл.

Египетте өткен президент сайлауының алғашқы ресми алдын-ала мәліметтері бойынша, бұрынғы армия қолбасшысы, генерал Абдел Фаттах әл-Сиси алда тұр.

Қазірге дейін бюллетендердің 15 пайызы саналып, оның қорытындысында әл-Сиси сайлаушылардың 93 пайыз даусын жинағаны айтылды. Сайлау әуелде 26-27 мамыр күндеріне белгіленген. Бірақ сайлаушылар белсенділігінің төмендігіне байланысты дауыс беру тағы бір күнге - 28 мамырға дейін ұзартылған.

Египеттің демократиялық жолмен сайланған президенті Мұхаммед Мурсиді былтыр жазда биліктен кетірген әл-Сиси бұл сайлауда саяси қарсыласы Хамдин Сабахиден айқын басымдықпен жеңіске жетеді деген болжам бар.

Мұхаммед Мурсидің тыйым салынған "Мұсылман бауырлар" қозғалысы жақтастарын сайлауға бойкот жариялауға шақырған.

AzattyqTV

Аудиоподкаст

XS
SM
MD
LG