Accessibility links

Сноуден: Бразилиядан баспана сұрадым


АҚШ Ұлттық қауіпсіздік агенттігінің бұрынғы қызметкері Эдвард Сноуден америкалық телеарнаға сұхбат беріп отыр. Мәскеу, 28 мамыр 2014 жыл.

АҚШ Ұлттық қауіпсіздік агенттігінің бұрынғы қызметкері Эдвард Сноуден америкалық телеарнаға сұхбат беріп отыр. Мәскеу, 28 мамыр 2014 жыл.

АҚШ Ұлттық қауіпсіздік агенттігінің бұрынғы қызметкері Эдвард Сноуден Бразилиядан саяси баспана сұрағанын мәлімдеді.

Ресейден уақытша тұрып жатқан Сноуден бұл туралы Бразилияның GloboTV телеарнасына берген сұхбатында айтты.

АҚШ билігі Эдвард Сноуденді "мемлекеттік құпия құжаттарды ұрлады" деп айыптап, сотқа тартқысы келеді. Былтыр жазда Ресей оған елде бір жыл тұруға рұқсат берген. Рұқсат мерзімі биыл 1 тамыз күні аяқталады.

Бірақ, Бразилия сыртқы істер министрлігі Сноуденнен саяси баспана сұраған өтініш түспегенін айтады.

Былтыр Эдвард Сноуден АҚШ арнайы қызметінің шетелдік бірнеше мемлекет басшыларының, оның ішінде Бразилия президенті Дилма Русефтің телефондағы әңгімелерін тыңдағанын жария еткен еді. Бұдан соң Дилма Русеф Вашингтонға жоспарлаған сапарынан бас тартқан.
XS
SM
MD
LG