Accessibility links

Қытай Орталық Азия газ құбырының жаңа желісін қосты


Орталық Азия елдерінен Қытайға тартылған газ құбыры картасы. (neftegaz.ru сайтындағы сурет)

Орталық Азия елдерінен Қытайға тартылған газ құбыры картасы. (neftegaz.ru сайтындағы сурет)

Қытайдың солтүстік-батысында Орталық Азия - Қытай газ құбыры С тармағының іске қосылуына арналған салтанатты шара өтті.

China National Petroleum Corp компаниясының басшысы Цзян Пиннің Қазақстанмен шекаралас Қорғас бақылау-өткізу бекетінде өткен шара барысында мәлімдеуінше, қазан айына қарай құбырдың бұл бөлігі арқылы Қытайға 14 миллиард текше метр газ тасымалданады.

Құбырдың С тармағы Түркіменстаннан Өзбекстан және Қазақстан арқылы Қытайдың Шыңжаң Ұйғыр автономиялық ауданына тартылған. Оның газ тасымалдау қуаты жылына 25 миллиард текше метрге жетеді. 2009-2010 жылдары ашылған құбырдың А және В тармақтары С тармағымен жапсарлас жұмыс істеп тұр.

Биыл құбырдың төртінші тармағы салына бастайды. Төрт тармақ бірдей толық қуатында жұмыс істегенде құбыр Қытайға бір жылда импорттайтын газының 40 пайызынан астамын тасымалдайды.
XS
SM
MD
LG