Accessibility links

Бағдатта шабуылдан ондаған адам қаза болды


Ирак астанасы Бағдат. (Көрнекі сурет)

Ирак астанасы Бағдат. (Көрнекі сурет)

Бағдатта жанкешті жасаған шабуылдан кемінде 21 адам қаза тауып, 35 адам жараланған. Полицияның мәліметі бойынша, жанкешті бомба орнатылған автокөлікпен Бағдаттағы аудандардың біріне кіреберістегі бақылау-өткізу бекетіне барып соғылған. Мерт болғандар арасында осы бекетте тұрған жеті полиция қызметкері де бар.

Полиция жарылыс болған кезде бекет маңында автокөліктер ұзын-сонар кезекте тұрғанын айтады. Олардың көпшілігі Ораза айт мейрамы қарсаңында имам әл-Қадимнің зиратына тәуап етуге бара жатқан.

Ирактың солтүстігіндегі Мосул қаласын өздерін сүннитпіз дейтін қарулы бүлікшілер басып алғалы бері Бағдатта жағдай шиеленісіп тұр. Соңғы апталарда Бағдатта бірнеше жарылыс болған.

XS
SM
MD
LG