Accessibility links

БҰҰ Газа секторында тергеу жүргізуді қолдады


Израиль қарулы күштері Газа секторын атқылап жатыр. 23 шілде 2014 жыл.

Израиль қарулы күштері Газа секторын атқылап жатыр. 23 шілде 2014 жыл.

Біріккен Ұлттар Ұйымының (БҰҰ) адам құқықтары жөніндегі комитеті Газа секторындағы операция кезіндегі Израильдің іс-әрекетіне халықаралық тергеу жүргізуді құптады. Бұл туралы қарар 23 шілде күні шұғыл өткізілген жиында қабылданған.

БҰҰ-ның адам құқықтары жөніндегі жоғары өкілі Нави Пиллэй ХАМАС күштеріне қарсы шабуылды үдеткен Тель-Авив тарапынан Газа секторында әскери қылмыс жасалған болуы мүмкін деген күдік бары жайлы мәлімдеген.

Алғашқы әуе шабуылдары басталған шілденің басынан бері аймақта 600-ден аса адам опат болған, олардың негізгі бөлігі – қатардағы азаматтар. Израиль жағынан бұл уақытта 34 адам қаза болған (32 әскери және 2 бейбіт тұрғын). Ұрыс жүріп жатуына байланысты АҚШ пен еуропалық ірі әуе компаниялары Тель-Авивке әуе қатынасын уақытша тоқтатып отыр.

23 шілде күні Иерусалимге келген АҚШ мемлекеттік хатшысы Джон Керри бейбітшілікке қол жеткізу мақсатында «әрекет жасайтынын» мәлімдеді. Бірақ нақты қандай әрекеттер жасалатынын ашып айтпады.

XS
SM
MD
LG