Израиль әскері мен ХАМАС тобының қақтығысы кезіне қаза тапқан палестиналықтардың саны 800-ге жетті.
Қаза тапқандардың көбі – әйелдер мен балалар. Палестина үкіметінің өкілі Аршаф әл-Кудраның айтуынша, екі палестиналық жас әйел Дейр-әл-Балах қаласында жасалған әуе шабуылынан мерт болған.
Бейсенбі, 24-шілдеде Газа секторындағы БҰҰ ұйымдастырған уақытша паналау мекеніне Израиль ракетасы құлап, 15 палестиналық қаза тапқан. Тағы да 200-ге жуығы жараланған.
23 шілдеде Шығыс Иерусалимде 10 мыңға жуық палестиналық Израильдің әрекетіне қарсылық шеруін ұйымдастырды. Шеру кезінде палестиналықтар Израиль әскерімен қақтығысып, нәтижесінде үш адам қаза тауып, 100 адам жарақат алған.
Израиль ХАМАС ұйымына қарсы операцияны 8-шілдеден бастаған. Содан бері Израиль тарапынан 35 адам қаза тапқаны хабарланған.
