Accessibility links

Бакиев өмір бойы бас бостандығынан айырылды


Қырғызстанның экс-президенті Құрманбек Бакиев.

Қырғызстанның экс-президенті Құрманбек Бакиев.

Бішкек соты бүгін Қырғызстанның бұрынғы президенті Құрманбек Бакиевті, оның ағасы әрі мемлекеттік қауіпсіздік қызметін басқарған Жаныш Бакиевті, бұрынғы премьер-министр Данияр Үсеновті сырттай соттап, өмір бойы бас бостандығынан айырды. Олардың мүліктері де тәркіленеді.

Бұған қоса арасында Бакиевтің бірнеше туысқаны бар 25 айыпталушы 6 жылдан 25 жылға дейін түрмеге кесілді.

Бұл сот процесі 2011 жылы басталған еді.

Қырғызстанда 2005 жылы "қызғалдақ" төңкерісінің нәтижесінде билікке келген Құрманбек Бакиев пен Жаныш Бакиев және басқа да сотталушылар 2010 жылы 7 сәуірде болған билікке қарсы шеруде адамдарды жаппай өлтірді деп айыпталды. Шеру кезінде 100 адам қаза тауып, 400 тұрғын жараланған. Халық наразылығы әсерінен Бакиев билігі құлады.

Қазір Бакиевтің жақындарымен бірге Беларусьте тұрып жатқаны айтылады.

2013 жылы Қырғызстан соты Құрманбек Бакиевтің бауыры Жаныбек Бакиевті де өмір бойына бас бостандығынан айыру жазасына кескен болатын.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG