WTA (Халықаралық әйелдер теннисі қауымдастығы) жариялаған рейтингте қазақстандық теннисші Зарина Дияс 1019 ұпаймен 53-орында тұр. Бұл - Қазақстан теннисшілерінің рейтингте көрсеткен ең үздік нәтижесі. Қазір Зарина Дияс ресми түрде Қазақстанның бірінші ракеткасы атанып отыр.
Ал бұған дейін Қазақстанның бірінші ракеткасы болып келген Ярослава Шведова 1017 ұпаймен 54-орынға сырғыды.
20 жастағы Зарина Дияс - теннистен әлемдік рейтингте үздік алпыс адамның қатарына енген тұңғыш қазақ қызы.
Ол биыл Үлкен шлем турнирлерінің қатарына енетін Австралия ашық чемпионатының үшінші кезеңіне, Уимблдон (Ұлыбритания ашық чемпионаты) турнирінің 1/8 финалына дейін жеткен.
