Accessibility links

Украина бір топ сарбазының Ресейге өткенін растады


Украин әскерилері сепаратистермен ұрыста. Луганск облысы, Украина, 3 тамыз 2014 жыл.

Украин әскерилері сепаратистермен ұрыста. Луганск облысы, Украина, 3 тамыз 2014 жыл.

Украина билігі 72-моторлы бригада сарбаздарының Ресей территориясына өтіп кеткенін растады. Украинаның шығысындағы арнайы операция өкілі Алексей Дмитрашковскийдің айтуынша, ресейшіл сепаратистермен ұрыс кезінде бригада сарбаздарының оқ-дәрісі таусылып, шегінуге мәжбүр болған. Ресей территориясына нақты қанша сарбаздың өтіп кеткені қазір анықталып жатыр.

Бұған дейін Ресей федералдық қауіпсіздік қызметінің шекара басқармасы украиналық 400-ден аса сарбаздың Ресей жағына өтіп кетіп, пана сұрағанын хабарлаған.

Шекара басқармасының Ростов облыстық бөлімінің баспасөз хатшысы Василий Малаевтың айтуынша, сарбаздар украин жағына тапсырылу үшін "Матвеев қорғаны" өткізу бекетіне жөнелтілмек.

XS
SM
MD
LG