Accessibility links

Қанат Ислам 18-кездесуінде де жеңіске жетті


Қанат Ислам менеджері Нельсон Лопеспен бірге тұр. (Сурет Nelsons компаниясының ресми сайтынан алынды)

Қанат Ислам менеджері Нельсон Лопеспен бірге тұр. (Сурет Nelsons компаниясының ресми сайтынан алынды)

Колумбияда өткен жекпе-жекте кәсіпқой боксшы Қанат Ислам жергілікті боксшы Фидель Монтеррос Муньоспен кездесті. Сегіз раундтық матчтың бесінші раундында Қанат Ислам қарсыласын нокаутқа жіберді.

Қазақ боксшысы осымен 18-кездесуін өткізіп, барлығында жеңіске жетті. Қанат Ислам 15 жекпе-жекті уақытынан бұрын аяқтаған.

29 жастағы боксшы 2008 жылы Пекинде өткен олимпиада ойындарына Қытай азаматы ретінде қатысып, қола жүлде иеленген. Ол 2010 жылы Қазақстан азаматтығын алып, 2012 жылы кәсіпқой боксқа ауысқан еді.

Қазір Қанат Ислам АҚШ-тың Флорида қаласында тұрып, сонда жаттығады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG