Accessibility links

Нанкинде Бауыржан Жауынтаев чемпион атанды


Қазақстандық Бауыржан Жауынтаев (оң жақта) Нанкиндегі жасөспірімдер арасындағы ІІ жазғы олимпиада ойындарында. 17 тамыз 2014 жыл.

Қазақстандық Бауыржан Жауынтаев (оң жақта) Нанкиндегі жасөспірімдер арасындағы ІІ жазғы олимпиада ойындарында. 17 тамыз 2014 жыл.

Жексенбі күні Қытайдың Нанкин қаласында жасөспірімдер арасындағы ІІ жазғы олимпиада ойындарында Қазақстан спортшылары алғашқы алтын жүлдеге ие болды деп хабарлайды Азаттық тілшісі.

Дзюдо күресінен 55 келі салмақта өткен финалдық белдесуде қазақстандық Бауыржан Жауынтаев әзербайжандық балуан Натиг Гурбанлиді жеңіп, жасөспірімдер арасындағы олимпиада чемпионы атанды.

Рейтингіне байланысты бұл жарысты бірден жартылай финалдан бастаған 17 жастағы Бауыржан Жауынтаев бүгін бұның алдындағы белдесуде түркиялық Огузан Караканы ұтып финалға шыққан еді.

Сенбі күні басталған Нанкиндегі ІІ жасөспірімдер олимпиадасына Қазақстаннан 51 спортшы қатысып жатыр. Олар 17 спорт түрінен сайысқа түседі. Нанкиндегі ойындар 28 тамызға дейін жалғасады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG