Accessibility links

ДСҰ: Эболамен күреске бірнеше ай кетеді


Көрнекі сурет.

Көрнекі сурет.

Дүниежүзілік денсаулық сақтау ұйымы (ДСҰ) Батыс Африкада Эбола вирусымен күреске бірнеше ай кетуі мүмкін деп санайды.

Ұйымның соңғы мәліметтері бойынша, осы кезге дейін қауіпті дертке шалдыққандардың жартысынан астамы – 1427 адам қайтыс болған.

Бұған дейін, жұма күні ДСҰ сарапшылары бұл індеттің нақты қанша көлемге таралғаны белгісіз қалып отырғанын хабарлаған. Оған себеп, көптеген отбасылар туыстарының дертке шалдыққанын жасырады; сонымен бірге дәрігерлер жетуі қиын аймақтарда жағдай не болып жатқаны да беймәлім.

Эбола дертінің ошағы Гвинея, Либерия, Сьерра-Леоне және Нигерияда тіркелген.

XS
SM
MD
LG