Accessibility links

Бішкекте Кеден Одағына қарсылар ұсталды


Қырғызстан президенті Алмазбек Атамбаев тәуелсіздік күніне арналған салтанатты шарада сөйлеп тұр. Бішкек, 31 тамыз 2014 жыл.
Қырғызстан президенті Алмазбек Атамбаев тәуелсіздік күніне арналған салтанатты шарада сөйлеп тұр. Бішкек, 31 тамыз 2014 жыл.

Бүгін кешке Бішкек қаласындағы Ала-Тоо алаңында Қырғыз республикасының туы бейнеленген қызыл лента таратып жүрген «Қырғызстан Кеден Одағына қарсы» қозғалысының белсенділерін милиция ұстаған. Бұл туралы Азаттықтың Қырғыз қызметіне қозғалыс мүшелері хабарлады.

«Құқық органдарына акция туралы алдын ала хабар берілген. Бірақ ешқандай себепсіз ұсталған белсенділер қазір Бішкектің Первомай аудандық ішкі істер бөлімінде отыр» деп олар Азаттыққа жексенбі күні.

Ұсталған екі адамның бірі – Марат Мүсіралиев екені хабарланды, екіншісінің аты-жөні әзірше белгісіз.

Қозғалыс өкілдерінің айтуынша, бұл акция 31 тамыз – Қырғызстанның тәуелсіздік күніне орай ұйымдастырылған.

Жексенбі күні Қырғыз мемлекеті тәуелсіздігінің 23 жылдығына арналған салтанатты шарада сөйлеген сөзінде ел президенті Алмазбек Атамбаев "елдің Кеден Одағына кіруі - дұрыс шешім және оған балама жоқ" деп мәлімдеген.

XS
SM
MD
LG