Accessibility links

Сирия ұшақтары экстремистерді бомбалады


Ракка қаласы маңындағы Сирия көтерілісшілері. (Көрнекі сурет)
Ракка қаласы маңындағы Сирия көтерілісшілері. (Көрнекі сурет)

Сирия құқық қорғаушылары "үкімет авиациясының "Ислам мемлекеті" экстремистік ұйымының Ракка қаласындағы позицияларына әуеден соққы бергенін" хабарлады. Бұл қала Сирияның солтүстік-шығысында орналасқан.

Әуе шабуылынан кем дегенде 25 адам - содырлар мен бейбіт тұрғындар қаза тапқан. Бұл туралы Ұлыбританияда орналасқан Сирия адам құқықтары орталығы 6 қыркүйек күні хабарлады.

SANA мемлекеттік ақпарат агенттігі Ракка қаласында экстремистерге қарсы әскери операция өтіп жатқанын растады. Агенттіктің ақпаратына қарағанда, әуе шабуылы кезінде "Ислам мемлекеті" ұйымының оқ-дәрі қоры мен қару-жарақтары жойылған.

"Ислам мемлекеті" ұйымы кейінгі айларда Сирияның солтүстігі мен Ирактың батыс және солтүстік аймақтарында белсенді ұрыс жүргізіп жатыр.

XS
SM
MD
LG