Accessibility links

Азия ойындарына Қазақстаннан 420 спортшы қатысады


17 жазғы Азия ойындарына қатысатын қазақстандық ауыр атлет, Лондон олимпиадасының чемпионы Зүлфия Чиншанло.

17 жазғы Азия ойындарына қатысатын қазақстандық ауыр атлет, Лондон олимпиадасының чемпионы Зүлфия Чиншанло.

"Оңтүстік Кореяның Инчхон қаласында өтетін жазғы 17-Азия ойындарына Қазақстаннан 420 спортшы қатысады" деп хабарлады мәдениет және спорт министрлігі. Қазақстан спортшылары Инчхондағы Азия ойындарында 39 спорт түрі бойынша жарысқа түседі. Азия ойындарына Лондон олимпиадасының чемпиондары Зүлфия Чиншанло (ауыр атлетика), Ольга Рыпакова да (жеңіл атлетика) барады.

Мұның алдындағы Гуанчжоуда (Қытай) өткен Азия ойындарына Қазақстаннан 341 атлет қатысқан еді.

Ал Азиаданың ашылу салтанатында Қазақстан туын боксшы, Лондон олимпиадасының күміс жүлдегері Әділбек Ниязымбетов ұстап шығады. Азия ойындары 19 қыркүйек күні басталып, 4 қазанда аяқталады.

2010 жылы Қытайдың Гуанжоу қаласында өткен Азия ойындарында Қазақстан 18 алтын, 23 күміс, 38 қоламен жалпы есепте Қытай, Жапония, Корея, Ираннан кейінгі бесінші орынды алған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG