18 қыркүйекте Шотландия халқы Ұлыбритания біріккен корольдігі құрамынан шығу мәселесін дауысқа салады. Олар «Шотландия тәуелсіз ел болуы тиіс деп санайсыз ба?» деген жалғыз сауалға жауап береді. Референдум қарсаңында қоғамдық пікірді анықтау мақсатымен өткізілген сауалнама нәтижесі тәуелсіздік алуды жақтайтындар мен біріккен корольдік құрамында қалуды қолдайтындар саны тепе-тең екендігін көрсеткен. Шотландияның дауыс беруге құқығы бар 4 миллион 400 мың халқының 97 пайызы сайлаушы ретінде тіркелген. Референдум нәтижесі 19 қыркүйек күні белгілі болмақ.