Қарақия ауданына қарасты Жетібай стансасының жиырмаға жуық теміржолшысы жұмыс кеңсесі алдына жиналды. «Қазақстан темір жолы» ұлттық компаниясына қарасты ПЧ-13 мекемесінің жол жөндеушілерінің айтуынша, «Ірілендірілген Маңғыстау жол дистанциясы» атты жаңадан қайта құрылған мекемеге ауысқан кезде тағайындалған учаске бастығының жұмыс істеуіне қарсылық білдіргендері үшін жұмыссыз қалған. Теміржолшылармен кездесуге мекеме басшылығы келмеді. Кеңсе есігін құлыптап тастаған учаске бастығы оны басшылардың рұқсатынсыз аша алмайтынын айтты. Теміржолшылар мәселесі шешілмейінше кеңсе алдынан кетпейтіндерін айтады. Маңғыстау облысы, 24 қыркүйек 2014 жыл.