Accessibility links

Қазақстандық жүзгіш Инчхонда тағы алтын алды


Азия ойындарының жеңімпазы Дмитрий Баландин (ортада). Инчхон, 26 қыркүйек 2014 жыл

Азия ойындарының жеңімпазы Дмитрий Баландин (ортада). Инчхон, 26 қыркүйек 2014 жыл

Қазақстандық жүзгіш Дмитрий Баландин 50 метрге брасс әдісімен жүзуде XXVII Азия ойындарының чемпионы атанды. Ол бұл қашықтықты 27,78 секундта жүзіп өтті.

Баландин осыған дейін Инчхонда 100 және 200 метрге брасс әдісімен жүзуде де алтын медаль алған еді. Осылайша ол Қазақстанға үш алтын жүлде алып берді.

Қазақстан Азия ойындарының жеті күнінен кейін 8 алтын, 9 күміс, 17 қола медальмен жалпы есепте Қытай, Жапония, Оңтүстік Кореядан кейін төртінші орында тұр. Қазақстан құрамасы биылғы Азия ойындарында 20 алтынмен жалпы есепте төрттікке енуді жоспарлап отыр.

Азия ойындары 4 қазанда аяқталады. Келесі XXVIII жазғы Азия ойындары 2019 жылы Ханойда (Вьетнам) өтеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG