Accessibility links

Максим Иглинский допинг тексеруден өтуден бас тартты


Велосипедші Максим Иглинский. Сурет спортшының Facebook әлеуметтік желісіндегі жеке парағынан алынды.

Велосипедші Максим Иглинский. Сурет спортшының Facebook әлеуметтік желісіндегі жеке парағынан алынды.

Қанынан допинг табылды делінген қазақстандық велоспортшы, «Астана» командасының мүшесі Максим Иглинский екінші рет қан тапсырудан бас тартты. Осыдан кейін «Астана» командасы қазанның 10-ы мен 14-і аралығында Қытайда өтетін биылғы жылғы әлемдік турлардың соңғысы саналатын «Пекин турынан» шеттетілді. Бұл жайында ақпарат велокоманданың ресми сайтында жарияланды.

Ал допингпен ұсталған Максим Иглинскийдің өзі командадан кетті. Оның велоспорттан қанша уақытқа шеттетілетіні алдағы уақытта белгілі болады.

2 қазан күні Максим Иглинскийдің қанында тыйым салынған эритропоэтин препараты бары анықталған еді. Ал тамызда оның бауыры, «Астана» командасының тағы бір мүшесі Валентин Иглинскийдің де қанынан осы препарат табылып, Қазақстан велоспорт федерациясының шешімімен ол төрт жылға спорттан шеттетілді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG