Accessibility links

ҮЕҰ: Мектептегі ақша жинауға қатысты шағым аз


ҮЕҰ өкілдері баспасөз мәслихатында отыр. Алматы. 23 қазан, 2014 жыл.

ҮЕҰ өкілдері баспасөз мәслихатында отыр. Алматы. 23 қазан, 2014 жыл.

Бүгін Алматыда бір топ үкіметтік емес ұйым өкілдері мектептердегі ата-аналардан заңсыз ақша жинаумен күрес акциясының аралық қорытындысын жариялады деп хабарлайды Азаттық тілшісі.

Бір топ үкіметтік емес ұйым қыркүйектің 15-і мен қарашаның 15-і аралығында мектептердегі ата-аналардан заңсыз ақша жинауға қарсы республикалық акция бастаған. Азаматтық белсенділердің айтуынша, «Білім туралы" заңның 63-ші бабына сай, «мектептерде ата-аналардан ақша жинау заңсыз" және онымен азаматтар бірлесе күресу қажет.

Акция кезінде кез-келген азамат 150 телефон нөміріне хабарласып, мектепте куә болған заңсыздық туралы хабарлай алады. Белсенділер әзірге ата-аналардан 300-ге жуық арыз түскенін және мұның аз көрсеткіш екенін айтады. "Азаматтардың заңсыздық жайлы хабарлауға енжарлығын" акцияны ұйымдастырушылар ата-аналарадың сенімсіздігімен байланыстарады. «Ата-аналар бірдеңе өзгереді дегенге сенбейді және балалары үшін қорқады», - дейді ұйымдастырушылардың бірі Мариана Гурина.

Акцияның түпкілікті нәтижесі қарашаның 15-інен кейін жарияланбақ.

  • 16x9 Image

    Мәншүк АСАУТАЙ

    1980 жылы туған. Е.Бөкетов атындағы Қарағанды мемлекеттік университетін бітірген.

    Қарағанды қаласындағы жергілікті телеарнада қызмет еткен. 2004 жылдан бері Азаттықтың тілшісі. 

    Автормен оның Facebook парақшасында да пікірлесуге болады.

XS
SM
MD
LG