Accessibility links

Даулы постерге қатысты тағы бір сот шешімі шықты


Бүгін Алматының Алмалы аудандық 2-соты «сүйіскен» классиктерді бейнелеген постер шығарған жарнама агенттігіне қатысты шешімін жариялады.

Азаттық тілшісінің хабарлауынша, судья Талғат Садықов постерге қатысты жарнама агенттігінің үстінен Құрманғазы атындағы қазақ ұлттық консерваториясының 34 студенті атынан түскен шағымды қанағаттандырды.

Судья жарнама агенттігін шағымданушыларға моральдық шығын ретінде сұраған 34 миллион теңге (шамамен 187,5 мың доллар - ред.) төлеуге міндеттеді. Бұған қоса, жауапкер тарап республикалық БАҚ-тың бірі арқылы жария түрде шағым берушілерден кешірім сұрауы тиіс. Сот шешімі орындалғанға дейін компанияның мүліктер қамауға алынды.

Сотқа шағымданушылар атынан заңгер Нұртас Ахметов, ал жауапкер жақтан Havas Worldwide Kazakhstan жарнама агенттігінің өкілі Дария Хамитжанова мен компанияның мүддесін сотта қорғаушы адвокат Жохар Өтебеков қатысты.

Дария Хамитжанова агенттік сот шешіміне апелляциялық шағым беретінін айтты.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

XS
SM
MD
LG