Accessibility links

БҰҰ мен ЕО Украина шығысында өтетін сайлауды айыптады


БҰҰ бас хатшысы Пан Ги Мун.

БҰҰ бас хатшысы Пан Ги Мун.

БҰҰ, Еуропа Одағы мен АҚШ Украинаның шығысындағы кейбір аудандарды басып алған ресейшіл сепаратистердің 2 қарашада сайлаулар өткізу ниетін айыптады.

БҰҰ бас хатшысы Пан Ги Мун сепаратистердің сайлауы Украинаның конституциясы мен заңдарына қайшы келетінін мәлімдеді. БҰҰ басшысы мұндай әрекеттер қыркүйектің 5-інде Минскіде жасалған бейбіт келісімді бұзады дейді.

ЕО-ның Ресейдегі өкілдегінің басшысы Вигаудас Ушацкас Ресейдің өзін-өзі "халық республикалары" деп жариялап алған Донецк мен Луганск облыстарындағы сайлау нәтижилерін заңды деп тану ниеті Еуропаның Мәскеуге қарсы жаңа санкциялар салуына әкеп соғуы мүмкін екенін ескертті. Қазанның 29-ында Мәскеуде сөйлеген Ушацкас Ресейдің сепаратистер сайлауын мойындауы Украинадағы қақтығыстың түйінін шешуге септесетініне күмән келтірді.

Қазанның 28-і күні АҚШ мемлекеттік хатшысы Джон Керри "АҚШ халықаралық қауымдастықпен бірге Украина заңдарына сай өткізілмеген жағдайда сепаратистер сайлауын мойындамайды" деп мәлімдеген.

XS
SM
MD
LG