Accessibility links

Парижде Қазақстан мәдени маусымы өтіп жатыр


Париж. (Көрнекі сурет).

Париж. (Көрнекі сурет).

Қазақстанның Париждегі мәдени маусымына орай бүгін қаланың орталығындағы «Пале Рояль» алаңында "қазақ ауылы" тігілді.

Бұл жайында Азаттыққа телефон арқылы хабарлаған Қазақстаннның Франциядағы елшілігінің кеңесшісі Ғабит Сыздықбековтің айтуынша, екі елдің президенттерінің өзара келісімі бойынша Қазақстанның мәдени маусымы Парижде бірінші рет өткізіліп отыр.

«Орталықтағы «патшалар сарайы» алаңында киіз үйлер тігіліп, алтыбақандар құрылды. Париж уақытымен 11.30-да ашылу салтанаты өтеді» дейді елшілік қызметкері.

Мәдени маусым 20 қыркүйекте «Астана Балет» хореографиялық ұжымының Париждегі қойылымымен басталған болатын.

Бұл шара қарашаның 9-ында аяқталады.

  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

XS
SM
MD
LG