Accessibility links

Футболдан ел чемпионаты соңына жетті


"Астана" командасының ойындарынан көрініс. (Сурет Қазақстан футбол федерациясының ресми сайтынан алынды.)

"Астана" командасының ойындарынан көрініс. (Сурет Қазақстан футбол федерациясының ресми сайтынан алынды.)

Биылғы жылдың қорытындысы бойынша «Астана» футбол командасы Қазақстан чемпионы атағын жеңіп алды. Өз тарихында алғаш рет ел чемпионы болған команданы болгариялық маман Станимир Стойлов жаттықтырады.

Екінші орынды ресейлік маман Владимир Газзаев жаттықтыратын «Ақтөбе» командасы алды. Бұл команда он жыл қатарынан Қазақстан чемпионатында жүлде алып келеді.

Үшінші орынды словакиялық маман Владимир Вайсс жаттықтыратын алматылық «Қайрат» клубы иеленді. Бұл команда былтыр да қола жүлдегер болған.

Енді «Астана» командасы алдағы жылы Қазақстан атынан Еуропа чемпиондар лигасының іріктеуіне қатысады.

Ал «Ақтөбе», «Қайрат» және Қазақстан чемпионатында төртінші орын алған Шымкенттің «Ордабасы» командалары Еуропа лигасының іріктеуіне жолдама алды.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG