Accessibility links

Жағажайдағы 4-Азия ойындарында Қазақстан бірнеше медаль алды


Таиландта өтіп жатқан Жағажайдағы Азия ойындарының эмблемасы. (Көрнекі сурет).

Таиландта өтіп жатқан Жағажайдағы Азия ойындарының эмблемасы. (Көрнекі сурет).

Таиландтың Пхукет қаласында басталған Жағажайдағы 4 -Азия ойындарының алғашқы күні Қазақстан құрамасы екі күміс, бір қола медаль иеленді.

Самбодан 82 килограмм салмақта Ержан Кабделов финалда моңғолиялық қарсыласы Ганун Тувшинжаргалдан ұтылып, күміс медаль иеленді.

Әйелдер арасында 52 килограммда Лейла Қонысбаева да финалға шыққанымен, түркменстандық Гүлбадам Бабамуратовадан жеңіліп, екінші орын алды. 68 килограммда Бағдат Жарылғасов қола жүлдегер атанды.

Бұл жарысқа Азияның 45 елінен спортшылар келген. Қазақстаннан 62 спортшы қатысып жатыр. Олар жеңіл атлетика, су добы, самбо, еркін күрес, құзға өрмелеу, муайтай, жағажайдағы су добы, жағажайдағы волейбол, триатлон, бессайыс, ашық суда жүзу спорты түрлерінен жүлдеге таласады.

Қазақстан 2012 жылы Хайянда (Қытай) өткен жағажайдағы Азия ойындарында бір күміс, бір қола иеленген.

Жағажайдағы Азия ойындары - Азия олимпиада комитетінің бастамасымен екі жылда бір рет ұйымдастырылады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG